მაიამის მოსახლეობა კუბის ყოფილი ლიდერის, რევოლუციონერის ფიდელ კასტროს გარდაცვალებას ზეიმით შეხვდა, - ამის შესახებ BBC იუწყება.

როგორც მედია საშუალება წერს, ქალაქში მცხოვრები კუბელი ემიგრანტების უმრავლესობა კასტროს ნეგატიურად აფასებდა და მისი გარდაცვალების შემდეგ, ცვლილებებს ელოდებიან.

სოციალურ ქსელებში გავრცელებულ ვიდეოებში, ჩანს თუ როგორ ზეიმობენ ემიგრანტები კასტროს გარდაცვალებას. ისინი ქალაქის ქუჩებში კუბის დროშით მოძრაობენ და მომღიმარე სახეებით, მძღოლებს უქნევენ ხელს.

ცნობისთვის, კუბელი ემიგრანტები, რომლებიც აშშ-ში ცხოვრობენ, რიცხობრივად ლათინოამერიკელების მესამედს წარმოადგენენ. ყველაზე მეტი კუბელი ემიგრანტი ფლორიდის შტატში, კერძოდ კი მაიამიში ცხოვრობს. ისინი მოსახლეობის 34,1%-ს შეადგენენ. 

შეგახსენებთ, რომ კუბის რევოლუციონერი და ყოფილი ლიდერი ფიდელ კასტრო 90 წლის ასაკში გარდაიცვალა. 

ამასთან, მისი კრემაცია დღეს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი ხნის შემდეგ პირველად, რუსული არმია ზაპორიჟიესა და დნიპროპეტროვსკის მიმართულებებიდსნ უკან იხევს

ამერიკელი მედიამაგნატი Vogue, The New Yorker,-ს მფლობელი დონალდ ნიუჰაუსი 96 წლის ასაკში გარდაიცვალა

თბილისის მერია სიონის ტაძარში რეაბილიტაციის პროექტს იწყებს

საქართველოს ქალაქებში სამხედრო ტექნიკის გამოფენა გაიმართა