შსს-ს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, მამა-შვილი - 1971 წელს დაბადებული ლევან რ. და 1991 წელს დაბადებული ლუკა რ. ახალი ფსიქოაქტიური ნივთიერების და ნარკოტიკული საშუალების უკანონო შეძენა-შენახვის ბრალდებით თბილისში დააკავეს.

„სამართალდამცველებმა ლუკა რ-ს საცხოვრებელი ბინის ჩხრეკისას 110 აბი ახალი ფსიქოაქტიური ნივთიერება ამოიღეს, რომელიც ექსპერტიზის დასკვნით 36,3 გრ ტრიპტამინის ნაერთთა კლასს შეიცავს, ასევე ამოღებულია 18,8388 გრ კანაფის ფისი და 2,5681 გრ გამომშრალი მარიხუანა. ლევან რ-ს პირადი ჩხრეკისას ახალი ფსიქოაქტიური ნივთიერების შემცველი 49 აბი ამოიღეს, რომელიც 2,3048 გრ ფენეთილამინის ნაერთთა კლასს შეიცავს. ნარკოლოგიური შემოწმებით, ორივე დაკავებულს მარიხუანის მოხმარების ფაქტი დაუდგინდათ“, - ნათქვამია შსს-ს განცხადებაში.

უწყების ინფორმაციით, გამოძიება ლევან რ-ს მიმართ ახალი ფსიქოაქტიური ნივთიერების უკანონო შეძენა-შენახვის, ხოლო ლუკა რ-ს მიმართ ახალი ფსიქოაქტიური ნივთიერების და ნარკოტიკული საშუალების უკანონო შეძენა-შენახვის ფაქტებზე მიმდინარეობს (საქართველოს სსკ-ის 260-ე მუხლის 1-ლი პრიმა ნაწილით და 260-ე მუხლის 1-ლი ნაწილით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს