ჩვენ უზრუნველვყოფთ სპეციალურ სივრცეს, სადაც საერთაშორისო მედია ცენტრი მოეწყობა, - ამის შესახებ საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ მთავრობის სხდომის დასრულების შემდეგ ჟურნალისტებს განუცხადა.

მინისტრის განცხადებით, მედია ცენტრის შენობას დღეს ნატო-ს გენერალური მდივნის მოადგილე, ალექსანდრე ვერშბოუ გახსნის.

„დღეს ჩვენ აბსოლუტურად განსხვავებული, ხარისხობრივად ძალიან მაღალი წინასაარჩევნო გარემო უზრუნველყავით, რითაც ძალიან ვამაყობთ. 3 თვე გავიდა უკვე რაც ოფიციალურად წინასაარჩევნო კამპანია დაიწყო და პროცესი მაღალ დემოკრატიულ სტანდარტში მიმდინარეობს“, - აღნიშნა მინისტრმა.

მისივე თქმით, მედია ცენტრის შექმნა ძალიან მნიშვნელოვანი პრაქტიკაა წინასაარჩევნო პერიოდში.

„ეს საინფორმაციო ცენტრი, რომელიც გადაეცა ჩვენს საინფორმაციო ცენტრს, „ნატოსა და ევროკავშირის შესახებ“, უმასპინძლებს საერთაშორისო მედია ცენტრს. გარდა ამისა, მნიშვნელოვანია, რომ ჩვენ ამ პროექტის ფარგლებში ვფიქრობთ, რომ შევთავაზოთ შესაბამისი მუდმივი საკომუნიკაციო სივრცე ჩვენს როგოროც ადგილობრივ ისე საერთაშორისო დამკვირვებლებს. ეს ძალიან მნიშვნელოვანი პრაქტიკაა, განსაკუტრებით საარჩევნო დღეს და ასევე რამდენიმე დღით ადრე. მათ უნდა ჰქონდეთ კარგი სივრცე, იმისთვის, რომ გამართონ ბრიფინგები, ჰქონდეთ შეხვედრები მედიასთან. მედიის წარმომადგენლებისთვის და დამკვირვებლებისთვის ჩვენ უზრუნველყობთ ერთიან სივრცეს“, - განაცხადა ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი