საქართველოს ყოფილი პრემიერ-მინისტრის ბიძინა ივანიშვილის განცხადებით, დღეს არჩევნებში „ქართულ ოცნებას“ ალტერნატივა არ ყავს.  თუმცა,  ყოფილი პრემიერის თქმით, არიან პარტიები, რომელთაც კონკრეტული ამომრჩეველი და რეიტინგი გააჩნიათ.

„დღეს „ქართულ ოცნებას“ ალტერნატივა არ აქვს. არჩევანი პოლიტიკურ პარტიებს შორის ისეთია, როგორიც არის. სულ გვგონია და შეიძლება, ხუმრობით მეც მითქვამს, რომ საქართველოში იმდენი პოლიტიკოსია მსოფლიოს რამდენიმე პრეზიდენტს ვაჩუქებდით და პოლიტიკაში მაგრები ვართ. არ არის ესე. ეკონომიკა, პოლიტიკა, მედია, ეს ყველაფერი ერთი საზოგადოების შემადგენელი ნაწილია, ყველაფერი თანხვედრაშია. რა თქმა უნდა, პოლიტიკური ინსტებლიშმენტი  ისეთივე ღარიბია, როგორიცაა დღეს ჩვენი ეკონომიკა. პოლიტიკოსების აღზრდას დრო უნდა. ამას უნდა კარგი გამოყვანა, კარგი სელექცია, კარგი დაკვირვება და ა.შ. მე არ ვიტყოდი, რომ დღეს თეთრსა და შავს შორის უნდა გაკეთდეს არჩევანი. არსებობენ პარტიები და მათ აქვთ კონკრეტული რეიტინგი. დღეს ჩვენ კიდევ ბევრი უდნა ვისაუბროთ და განვუმარტოთ საზოგადოებას თუ ვისზე შეაჩერონ არჩევანი“, - განაცხადა ივანიშვილმა.

ამის შესახებ ივანიშვილმა GDS-ის  ახალ გადაცემაში განაცხადა,  სადაც სტუმრის სტატუსით მონაწილეობს და გურიის  რეგიონის  მედიის შეკითხვებს პასუხობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი