ერაყის პოლიციამ ქალაქ კირკუკში, შიიტურ მეჩეთთან 11 წლის ბავშვი დააკავა, რომელსაც ე.წ. “შაჰიდის ქამარი” ეკეთა, - ამის შესახებ უცხოური მედია იუწყება. 

ამასთან, ქურთულმა ტელეკომპანია Kurdistan 24-მა გაავრცელა ვიდეოკადრები, სადაც ჩანს, თუ როგორ ხსნიან სამართალდამცველები ბავშვს “შაჰიდის ქამარს”.

კირკუკის პოლიციის განცხადებით, ბიჭუნას 2 კილოგრამი ასაფეთქებელი ნივთიერება ჰქონდა თან. ის ქალაქში 5-6 დღის წინ ჩავიდა.

ცნობისთვის, ერაყში ბავშვის დაკავებამდე ერთი დღით ადრე თურქეთის ქალაქ გაზიანთეფში თვითმკვლელმა ტერორისტმა აიფეთქა თავი, რასაც 53 ადამიანი ემსხვერპლა. თურქეთის ხელისუფლების ინფორმაციით, თავდამსხმელი 12-14 წლის მოზარდი იყო. ანკარამ მომხდარზე პასუხისმგებლობა “ისლამურ სახელმწიფოს” დააკისრა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით