თორნიკე შარაშენიძე: ჯონ ქერი მთავრობას ეტყვის, რომ წაგების შემთხვევაში ხელისუფლებას არ ჩაებღაუჭონ

2016-07-06 13:23:04, 1641 ნახვა

Lifestyle

ექსპერტს საერთაშორისო ურთიერთობათა საკითხებში თორნიკე შარაშენიძეს აზრით, ამერიკა მხოლოდ ლეგიტიმურად არჩეულ მთავრობას დაუჭერს მხარს.

როგორც თორნიკე შარაშენიძე აცხადებს, კერის მთავარი გზავნილი მთავრობისადმი იქნება ის, რომ მათ არ გააყალბონ არჩევნები და წაგების შემთხვევაში ხელისუფლებას არ ჩაებღაუჭონ.

"ამერიკა მხარს დაუჭერს მხოლოდ იმ მთავრობას რომელიც ხალხის მიერაა არჩეული და ამგვარად ლეგიტიმურია (რადგან ამერიკა მხარს უჭერს ხალხს და არა რომელიმე პოლიტიკურ ელიტას). ამიტომ კერი ჩვენს მთავრობა ეტყვის: არჩევნები არ გააყალბოთ და საარჩევნო კამპანია ჩაატარეთ დემოკრატიულ გარემოში. თუ წააგებთ არჩევნებს, ხელისუფლებას არ ჩაებღაუჭოთ. არაა ტრაგედია არჩევნების წაგება, არაა ტრაგედია როცა კაბინეტში აღარ ზიხარ. შეიგნეთ ეს ყველამ", - წერს შარაშენიძე Facebook-ის საკუთარ გვერდზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან