დიმიტრი ქუმსიშვილი: კითხვები და შეფასებები, რაც დაისვა, უსუსური იყო

2016-06-20 19:36:34, 997 ნახვა

ეკონომიკა

პირველი ვიცე-პრემიერი, ეკონომიკის მინისტრის დიმიტრი ქუმსიშვილის შეფასებით, დღევანდელ ეკონომიკურ ფორუმზე დასმული ყველა შეკითხვა უსუსური იყო.

ქუმსიშვილის თქმით, დღეს საქართველოში არსებობს ჯანსაღი, ძლიერი ეკონომიკა, ბიზნესი იღებს გადაწყვეტილებას, რომ შექმნას ახალი სამუშაო ადგილები:

"მითუმეტეს, რომ პირდაპირი უცხოური ინვესტიციები, რომელიც პირველ კვარტალში გქვონდა, 376 მლნ დოლარის ოდენობით, არის კიდევ ერთი დასტური იმისა, რომ ყველა პროექტი მიმდინარეობს, ყველა პროექტი ძალიან აქტიურ ფაზაშია, ეს რიცხვი არის ყველაზე დიდი რიცხვი 2008 წლიდან და ჩვენ შესაბამისად ქვეყანაში შემოგვდის ბევრი ინვესტიცია. ძალიან სუსტი ოპონენტები გვყავდნენ. ყველა იყო მოწვეული, ვისაც ჰქონდა სურვილი თავისი აზრის გამოთქმის. ველოდებოდით მწვავე კითხვებს. კითხვები და შეფასებები, რაც დაისვა, იყო უსუსური. მაგალითად, შეშელაშვილმა თქვა, რომ რატომ გიკვირთ იმ წინა ხელისუფლებისო იმათ მოახერხეს ბიზნესს ჯერ ფული გაუჩინეს ჯიბეშიო და მერე ჩაუყვეს ხელიო. კაცი რომ ამას იტყვის, არვიცი",-განაცხადა დიმიტრი ქუმსიშვილმა.

კონფერენცია-"საქართველოს ეკონომიკა და ბიზნესგარემო - მიღწევები და გამოწვევები“ ორგანიზაცია "მოქალაქე"-ს, "საქართველოს ბიზნეს ასოციაციისა" და პარტნიორი ორგანიზაციების ორგანიზატორობით ჩატარდა.