შინაგან საქმეთა სამინისტროს საინფორმაციო-ანალიტიკური დეპარტამენტის წარმომადგენლები ინციდენტების პრევენციისა და მათზე რეაგირების მექანიზმის რიგით 52-ე შეხვედრას დაესწრნენ.

შსს-ს ინფორმაციით, შეხვედრაზე რამდენიმე ძირითადი საკითხი იქნა განხილული. საუბარი დავით ბაშარულის ცხედრის ექპერტიზასა და მისი ცენტრალური ხელისუფლების მიერ კონტროლირებად ტერიტორიაზე გადმოსვენების საკითხს შეეხო.

ცენტრალური ხელისუფლების წარმომადგენლებმა საოკუპაციო ხაზის მიმდებარე ტერიტორიაზე მავთულხლართების და ღობეების უკანონო მონტაჟით გამოწვეულ პრობლემებზე ისაუბრეს.

გარდა ამისა, შეხვედრაზე საუბარი საგაზაფხულო პერიოდის მოახლოებასთან ერთად საოკუპაციო ხაზის მიმდებარე ტერიტორიაზე სასოფლო-სამეურნეო სავარგულების ადგილობრივი მოსახლეობის მიერ უსაფრთხო დამუშავების საკითხს, ასევე ცხინვალის ციხეში და ცენტრალური ხელისუფლების მიერ კონტროლირებად ტერიტორიაზე მოქმედი სასჯელაღსრულების დაწესებულებაში მყოფ პატიმრებს შეეხო.

ამასთან საუბარი ასევე გორის რაიონის სოფლების ქერე-კოშკას მონაკვეთზე უსაფრთხოების უზრუნველყოფის კუთხით წარიმართა.

ცნობისთვის, ინციდენტების პრევენციისა და მათზე რეაგირების მექანიზმის რიგით 53-ე შეხვედრა 25 მარტს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე