სირიაში, „ისლამური სახელმწიფოს“ 100-ზე მეტი მებრძოლი ლიკვიდირებულია, - ამის შესახებ BBC თურქულ ძალოვან სტრუქტურებზე დაყრდნობით იუწყება.

როგორც მედია საშუალება წერს, თურქეთმა ექსტრემისტების წინააღმდეგ საარტილერიო ცეცხლი გახსნა, რასაც აშშ-ის კოალიციის საჰაერო თავდასხმა მოჰყვა. 

მედიის ინფორმაციით, „დაეშის“ მებრძოლებმა თურქეთის ტერიტორიის მიმართულებით რაკეტები გაუშვეს, რის შედეგადაც 5 ადამიანი მძიმედ დაშავდა. კოალიციის წევრებმა სპეცოპერაციის ფარგლებში ექსტრემისტების 7 შტაბ-ბინაც გაანადგურეს.

ამასთან, თურქეთის შეიარაღებული ძალები არ აკონკრეტებენ, თუ როგორ შეძლეს „ისლამური სახელმწიფოს“ ლიკვიდირებული მებრძოლების რაოდენობის დადგენა. 

ცნობისთვის, 2 დღის წინ "ისლამურმა სახელმწიფომ" სირიასა და თურქეთის საზღვრებთან მდებარე დასახლებული პუნქტების კონტროლი დაიწყო. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა