"შედარებით დაბალი ტემპებით, მაგრამ ეკონომიკური ზრდა გრძელდება, ამიტომ ეკონომიკურ კრიზისთან საქმე არ გვაქვს",-ამის შესახებ საქართველოს ფინანსთა მინსიტრმა ნოდარ ხადურმა ჟურნალისტებს პრეზიდენტ მარგველაშვილთან მიმდინარე შეხვედრის დაწყებამდე განუცხადა.

"რას ვეძახით კრიზისს? ეკონომიკური ზრდა  გრძელდება. მიუხედავად იმისა, რომ  შედარებით დაბალი ტემპებით, ამიტომ ეკონომიკურ კრიზისთან საქმე ნამდვილად არ გავქვს. რაც შეეხება  სავალუტო კრიზისს, იმედი მაქვს და ყველაფერი აჩვენებს, რომ ასევე ძალიან მალე იქნება ის დაძლეული. რაც შეეხება პრივატიზაციას, პრივატიზებული იყო ბევრი საწარმო ამ 2 წლის განმავლობაში, მათ შორის იყო ძალიან საინტერესო საინვესტიციო ვალდებულებებით პრივატიზებული საწარმოები და ეს პროცესი გაგრძელდება",-განაცხადა ნოდარ ხადურმა.

ამასთან,   ხადურის განცხადებით, საქართველოს ეროვნული ბანკის პრეზიდენტს კომერციული ბანკებისთვის დღეს დავალება არ მიუცია. მისივე განმარტებით, დავალებები არც  ბიზნესმენებთან გამართულ შეხვედრაზე გაცემულა.

"ეროვნული ბანკის პრეზიდენტი ბანკებს დავალებას ვერ მისცემდა. საქართველოს ეროვნული ბანკის პრეზიდენტი შეხვდა კომერციული ბანკების ხელმძღვანელებს.საქართველოს ეკონომიკის მინისტრი, ვიცე-პრემიერი და ფინანსთა მინისტრი შეხვდნენ სხვა ბიზნესმენებს, მაგრამ არავის არავისთვის დავალება არ მიუცია. ჩვენ გავუზიარეთ ერთამნეთს ჩვენი მოსაზრებები. ყოველშემთხვევაში, მე რომელ შეხვედრასაც ვესწრებოდი,  შეხვედრაზე ჩვენ მივიღეთ რჩევები, წინადადებები ბიზნესისაგან და ვფიქრობ, ძალიან წარმატებული შეხვედრა იქნება",-აღნიშნა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები