კომისიამ,  ეკომიგრანტთა განსახლების კრიტერიუმების შესაბამისად,  ყველაზე  მაღალი ქულის მქონე 34 ოჯახის, ხოლო გარემოს ეროვნული სააგენტოს გეოლოგიური დასკვნების საფუძველზე 50 ეკომიგრანტი ოჯახის განსახლების საკითხი განიხილა.

როგორც “ექსპრესნიუსს“  ლტოლვილთა და განსახლების სამინისტროდან აცნობეს, კომისიის გადაწყვეტილებით, ამ ეტაპზე  ალტერნატიული საცხოვრებელი ფართით დაკმაყოფილდება 42 ეკომიგრანტი ოჯახი,  ხოლო 12 ოჯახის შესახებ მონიტორინგის ჯგუფები დამატებით ინფორმაციას მოიკვლევენ.

ამასთან, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროში „სტიქიური მოვლენების შედეგად დაზარალებული და გადაადგილებას დაქვემდებარებული ოჯახების განსახლების საკითხების მარეგულირებელი კომისიის“  სხდომა გაიმართა.

სამინისტროს ინფორმაციით, 2015 წლის საბიუჯეტო ასიგნებების ფარგლებში,  სამინისტრო 100-მდე ეკომიგრანტ ოჯახს უსაფრთხო გარემოში სახლს გადასცემს. SDC-ის დაფინანსებით, მიმდინარე წელს სტიქიით დაზარალებული ოჯახებისთვის დამატებით შესყიდულ იქნება 40-მდე სახლი.

კომისიის სხდომას მინისტრის პირველი მოადგილე გრიგოლ გიორგაძე, მინისტრის მოადგილე გოგი ფაცაცია, ეკომიგრანტთა საკითხების დეპარტამენტის თანამშრომლები, აჭარის ჯანდაცვის სამინისტროს, სახალხო დამცველის აპარატის, საერთაშორისო და ადგილობრივი არასამთავრობო ორგანიზაციების წარმომადგენლები ესწრებოდნენ. 

კომისიის მუშაობის პროცესი ღიად და გამჭვირვალედ მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი