უკრაინის პრემიერ-მინისტრი ვლადიმერ გროისმანი გახდა

2016-04-14 13:46:28, 1231 ნახვა

მსოფლიო

უკრაინის რადამ პრემიერ-მინისტრის პოსტიდან არსენი იაცენიუკი გაუშვა და მის ადგილზე რადას სპიკერი, ვლადიმერ გროისმანი დანიშნა.

რადამ აღნიშნული გადაწყვეტილება 257 დეპუტატის გადაწყვეტილებით მიიღო, მაშინ როცა, გადაწყვეტილების მისაღებად 226 ხმა იყო საკმარისი.

შეგახსენებთ, რომ კვირას, არსენი იაცენიუკმა გადადგომის შესახებ განცხადება გააკეთა, მაგრამ აღნიშნა, რომ მისი ფრაქცია "სახალხო ფრონტი" კოალიციაში რჩება. იაცენუკის თქმით, ქვეყანაში პოლიტიკური კრიზისის ხელოვნურად შექმნის მცდელობა არსებობდა, რომლის მიზანიც, მისი თანამდებობიდან წასვლა იყო. იაცენუკს არ დაუკონკრეტებია, რის გაკეთებას აპირებს პრემიერობიდან წასვლის შემდეგ.

პრემიერის გადადგომა, მთელი მინისტრთა კაბინეტის გადაგომას ნიშნავს. პრემიერი და მინისტრები ახალი მთავრობის დამტკიცებამდე შეასრულებენ მოვალეობებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან