ტერორისტული დაჯგუფება "ისლამური სახელმწიფო" 2015 წლის ბოლოდან ავღანეთში თავის პოზიციებს განამტკიცებს. ამჟამად ავღანეთში, დაახლოებით 6 ათასამდე ბოევიკია, - ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა განაცხადა.

როგორც კარასინმა აღნიშნა, არსებული ინფორმაციით, ავღანეთის 34 პროვინციიდან 25-ში "ისლამური სახელმწიფოს" ბოევიკები არიან დაფიქსირებულები.

კარასინის თქმით, ბოევიკებს შორის არიან ცენტრალური აზიისა და ჩრდილოეთ კავკასიის წარმომადგენლები.

"გარწმუნებთ, რომ ეს მონაცემები "ჰაერიდან" არ ამიღია", - აღნიშნა მინისტრის მოადგილემ.

გარდა ამისა, კარასინმა ისიც თქვა, რომ "ისლამური სახელმწიფოს" გარდა ავღანეთში პოზიციებს კიდევ ერთი ტერორისტული დაჯგუფება "თალიბანი" იკავებს.

"2015 წლის დეკემბერში, "თალიბანმა" ქალაქ კუნდუზზე კონტროლი რამდენიმე დღით მოახერხეს", - აღნიშნა მინისტრის მოადგილემ.

მისივე განმარტებით, ტერორისტების დიდი ნაწილი თურქმენეთის, ტაჯიკეთის, უზბეკეთის და რუსეთის ჩრდილოეთ კავკასიის რესპუბლიკებშია თავმოყრილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა