თავდაცვის სამინისტროს დაშავებულ სამხედრო მოსამსახურეებით დაკომპლექტებული მჯდომარე ფრენბურთელთა გუნდი 2016 წლის "ძლიერთა თამაშებში" მონაწილეობისთვის აქტიურად ემზადება.

სამინისტროს ინფორმაციით, მზადების პროცესში სხვადასხვა გუნდთან ამხანაგური შეხვედრები სამინისტროს სპორტულ კომპლექსში იმართება. ამჯერად ერთმანეთს თავდაცვის სამინისტროსა და ტექნიკური უნივერსიტეტის გუნდები შეხვდნენ. თამაში დაჭრილი სამხედროების გამარჯვებით დასრულდა.

"ძლიერთა თამაშები" დაჭრილ და დაშავებულ სამხედრო მოსამსახურეთა მხარდასაჭერად და მათივე მონაწილეობით ტარდება.

„ასპარეზობის მიზანი დაჭრილი სამხედრო მოსამსახურეების საბრძოლო სულისკვეთების ამაღლება და მოტივაციის გაზრდა, ასევე, მათი რეაბილიტაციის პროცესში სპორტის აქტიურად გამოყენებაა. „ძლიერთა თამაშები“ შესაძლებლობას იძლევა, საზოგადოებამ კიდევ ერთხელ დაუჭიროს მხარი იმ მეომრებს, რომლებმაც ადამიანთა კეთილდღეობისთვის მსხვერპლი გაიღეს, დაშავდნენ ბრძოლებსა თუ სამშვიდობო მისიებში“, - აცხადებენ თავდაცვის სამინისტროში.

„ძლიერთა თამაშები“ წელს მაისში აშშ-ში გაიმართება. სპორტულ ღონისძიებას ფლორიდის ქალაქი ორლანდო უმასპინძლებს

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე