2015-02-19 12:03:47, 623 ნახვა
საზოგადოება
ქუთაისი-ამბროლაურის საავტომობილო გზაზე მოძრაობა თავისუფალია
ქუთაისი-ტყიბული-ამბროლაურის საავტომობილო გზაზე შეზღუდვები მოხსნილია და ყველა სახის ავტოტრანსპორტისთვის მოძრაობა თავისუფალია.
საავტომობილო გზების დეპარტამენტის ინფორმაციით, ამ დროისთვის შეზღუდვებია მხოლოდ მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე, სადაც ნარჩუნდება ზვავსაშიშროების საფრთხე. ადგილზე მობილიზებულია რეგიონული განვითარებისა და ინფრასტრუქტურის საავტომობილო გზების დეპარტამენტის სპეც.ტექნიკა და რეჟიმის მოხსნისთანავე დაიწყება გზის გაწმენდითი სამუშაოები.
მათივე ცნობით, საავტომობილო გზის სხვა მონაკვეთებზე, მთელი ქვეყნის მასშტაბით, ავტოტრანსპორტის მოძრაობა თავისუფალია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
