Reuters-ის ცნობით, ირანის ახალი უზენაესი ლიდერი მოჯტაბა ხამენეი უარს აცხადებს აშშ-ის მიერ შეთავაზებულ სამშვიდობო მოლაპარაკებებზე. მედია წერს, რომ ეს წინადადება მას ორი შუამავლის მეშვეობით გადაეცა.

Reuters წყაროზე დაყრდნობით წერს, რომ მოჯტაბა ხამენეიმ ირანის უმაღლესი ხელმძღვანელობის სხდომაზე თქვა, რომ "მშვიდობისთვის შესაფერისი დრო არ იქნება, ვიდრე აშშ და ისრაელი მუხლებზე არ დადგებიან, არ აღიარებენ დამარცხებას და არ დათანხმდებიან კომპენსაციის გადახდას".

წყაროს არ დაუკონკრეტებია, ესწრებოდა თუ არა მოჯტაბა ხამენეი სხდომას პირადად.

მანამდე გავრცელდა ინფორმაცია, რომ მოჯტაბა ხამენეი 28 თებერვალს აშშ-ისრაელის მიერ ირანზე განხორციელებული დარტყმების შედეგად დაიჭრა.  

6 მარტს აშშ-ის პრეზიდენტმა დონალდ ტრამპმა განაცხადა, რომ ირანი უკავშირდებოდა აშშ-ს, თუმცა გაურკვეველია, აქვთ თუ არა ამ პროცესში ჩართულ ირანელ ოფიციალურ პირებს შეთანხმებების გაფორმების მანდატი. 

ამასთან, აშშ-ის პრეზიდენტმა თქვა, რომ ზოგადად არ არის წინააღმდეგი ირანთან მოლაპარაკებების.

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები