ეგვიპტეში უცნობმა პირმა ავიაკომპანია Egyptair-ის კუთვნილი სამგზავრო თვითმფრინავი A-320 გაიტაცა, - ამის შესახებ ინფორმაციას BBC ავრცელებს.

როგორც მედია საშუალება იტყობინება, თვითმფრინავში გატაცების მომენტში 81 მგზავრი იმყოფებოდა.

ადგილობრივი მედიის ინფორმაციით, თვითმფრინავი, რომელიც რეისს ალექსანდრიიდან კაიროში ასრულებდა, კვიპროსის ლარნაკის აეროპორტში დაეშვა. მათივე ინფორმაციით, გამტაცებელს "შაჰიდის ქამარი" უკეთია.

მედია საშუალების ცნობით, მან თარჯიმანი და პოლიტიკური თავშესაფარი მოითხოვა.

მომხდართან დაკავშირებით კვიპროსში საგანგებოდ გაიხსნა ორი კრიზისული შტაბი.

ეგვიპტეში გატაცებული სამგზავრო თვითმფრინავის ბორტზე სულ მცირე ერთი შეიარაღებული პირი იმყოფება.

Associated Press-ის ინფორმაციით, კვიპროსის ხელისუფლებამ ტერორისტთან მოლაპარაკებები დაიწყო. 20-მდე მგზავრმა თვითმფრინავი უკვე დატოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“