კომუნიკაციების მარეგულირებელი კომისიის [ComCom] განცხადებით, "ფორმულა მულტიმედია" პოლიტიკური პარტიისგან დაფინანსების მიღებისთვის წერილობით გააფრთხილეს. კომისიის განცხადებით, "ფორმულა მულტიმედიამ" 2025 წლის III კვარტალში პოლიტიკური გაერთიანება ერთიანობა - ნაციონალური მოძრაობისგან  540 000 ლარი მიიღო.

"მაუწყებლობის შესახებ საქართველოს კანონის 661 მუხლის პირველი პუნქტის მიხედვით, აკრძალულია პოლიტიკური პარტიის მიერ მაუწყებლის დაფინანსება, აგრეთვე მისი მომსახურების შესყიდვა და პროგრამების მომზადების ან/და ეთერში გადაცემის პირდაპირი ან ირიბი დაფინანსება ან თანადაფინანსება, გარდა ამავე კანონით განსაზღვრული შემთხვევებისა.

იქიდან გამომდინარე, რომ "ფორმულა მულტიმედია" ბოლო ერთი წლის განმავლობაში მსგავსი დარღვევისთვის არ დასანქცირებულა, კომუნიკაციების კომისიამ მაუწყებელი წერილობით გააფრთხილა" - ნათქვამია მარეგულირებლის განცხადებაში. 

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე