ჩეჩნეთის ლიდერმა რამზან კადიროვმა თქვა, რომ რესპუბლიკის მოქმედ ვიცეპრემიერად საკუთარი 20 წლის ვაჟი, ახმატ კადიროვი დანიშნა.

ამავე დროს, ახმატ კადიროვი შეინარჩუნებს ფიზკულტურისა და სპორტის მინისტრის პოსტს, რომელსაც 2024 წლიდან იკავებს. გარდა ამისა, ის 2024 წლის შემდეგ რეგიონული ახალგაზრდობის საქმეთა მინისტრიც არის.

კადიროვმა ასევე აღნიშნა, რომ მოქმედ ვიცეპრემიერად დანიშნა ახმედ დუდაევი- ჩეჩნეთის ეროვნული პოლიტიკის, საგარეო ურთიერთობების, პრესისა და ინფორმაციის მინისტრი.

ცნობისთვის, ახმატ კადიროვის დაწინაურება არ არის პირველი შემთხვევა, როდესაც რამზან კადიროვმა ოჯახის წევრი მაღალ სახელმწიფო თანამდებობაზე დანიშნა.

მისი უმცროსი ვაჟი, 18 წლის ადამ კადიროვი, ბოლო ორი წლის განმავლობაში შვიდ ოფიციალურ პოზიციას იკავებდა. 2023 წელს ის მამის პირადი დაცვის ხელმძღვანელად დაინიშნა, იმავე წელს კი ფართო კრიტიკის ობიექტი გახდა არასრულწლოვან პატიმარზე ძალადობის გამო, რომელიც ყურანის დაწვის ბრალდებით იყო დაკავებული.

ავტორი: ექსპრესნიუსი,

სოციალური ქსელები

"ერთად გამარჯვებისთვის!" - ოპოზიციის ალიანსი დღეს საპროტესტო აქციას გამართავს

რუბიომ ვაშინგტონსა და კიევს შორის აქტიური მოლაპარაკებების არარსებობის შესახებ განაცხადა

მეფე ჩარლზ III - მე და ჩემი მეუღლე გულთბილად ვულოცავთ ქართველ ხალხს საქართველოს დამოუკიდებლობის დღეს

აშშ-ის სამხედროებმა სამხრეთ ირანში დარტყმები განახორციელეს