მაკკლირი: ქართველებს მხარი უნდა დავუჭიროთ, საქართველო პუტინის ჰიბრიდული ომის ფრონტის ხაზზეა

2025-11-28 20:34:52, 2616 ნახვა

პოლიტიკა

ბრიტანელი პარლამენტარი, ჯეიმს მაკკლირი საქართველოში უწყვეტი პროტესტის წლისთავს ეხმაურება და წერს, რომ საქართველო პუტინის "ჰიბრიდული ომის ფრონტის ხაზზეა" და ქართული ოცნებისთვის წინააღმდეგობის გაწევაში მხარი უნდა დაუჭირონ.

ამის შესახებ მაკკლირი X-ზე წერს.

"ჩვენ მხარი უნდა დავუჭიროთ ქართველებს ქართული ოცნებისთვის წინააღმდეგობის გაწევაში. საქართველო ვლადიმირ პუტინის ჰიბრიდული ომის ფრონტის ხაზზეა. მათი დემოკრატია და ევროპული მომავალი თავდასხმის ქვეშაა. ერთი წლის გასვლის შემდეგ ქართველებმა ზეწოლა უნდა განაგრძონ და თავიანთი მომავლისთვის იბრძოლონ". - წერს მაკკლირი.

შეგახსენებთ, რომ ივანიშვილის რეჟიმმა გასული წლის 28 ნოემბერს ევროკავშირში გაწევრიანების პროცესი შეაჩერა, რასაც ერთწლიანი უწყვეტი სახალხო პროტესტი მოჰყვა

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,