ადვოკატი თორნიკე მიგინეიშვილის ცნობით, ტვ პირველის დაკავებულის ჟურნალისტი გიორგი მამნიაშვილის უფლებები დაკავების მომენტიდან არსებითად დაირღვა. კერძოდ, მიგინეიშვილის ინფორმაციით, მამნიაშვილი ითხოვდა ადვოკატთან დაკავშირებას, რის უფლებასაც არ აძლევდნენ. ასევე, იზოლატორში გააშიშვლეს და ბუქნები აკეთებინეს.

"გამთენიისას, დაკავებიდან რამდენიმე საათის შემდგომ, დიღმის იზოლატორში შეასახლეს და მოვინახულე ტვ პირველის ჟურნალისტი — გიორგი მამნიაშვილი.

როგორც ჩვენთვის ცნობილია, მას ედავებიან პოლიციელის კანონიერი მოთხოვნის დაუმორჩილებლობას. ჯერჯერობით საქმის მასალები არ გადმოგვცემია. არსებითად დაირღვა გიორგი მამნიაშვილის უფლებები: გიორგის განმარტებით, დაკავების მომენტიდან, მათ შორის პოლიციის შენობაში ყოფნისას, ტრანსპორტირებისა და იზოლატორში შესახლებისას — მუდმივად ითხოვდა ადვოკატთან დაკავშირებას, რის უფლებასაც არ აძლევდნენ. იზოლატორში გააშიშვლეს და ბუქნები აკეთებინეს. ორივე ზემოთ აღნიშნული ქმედება კანონით არის პირდაპირ აკრძალული. ველოდებით სასამართლოს ჩანიშვნას"- წერს მიგინეიშვილი.

22 ნოემბერს პოლიციამ რუსთაველის გამზირზე რვა ადამიანი დააკავა. მათ შორის ტვპირველის ჟურნალისტი გიორგი მამნიაშვილი.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი