"ნეტგაზეთისა" და "ბათუმელების" დამფუძნებელი მზია ამაღლობელი, ბელორუს ჟურნალისტ ანდჟეი პოჩობუტთან ერთად, ევროპარლამენტის სახაროვის აზრის თავისუფლების პრემიის ფინალისტთა მოკლე სიაშია - ქართველი და ბელორუსი ჟურნალისტები ნომინაციაში ევროპის სახალხო პარტიის ჯგუფმა წარადგინა.

"მზია ამაღლობელი მხოლოდ მამაცი ჟურნალისტი არ არის; ის მთელი ქართველი ერის სიმბოლოა, რომელიც თავისუფალი, დემოკრატიული და ევროპული მომავლისთვის იბრძვის. ამჟამინდელ მღელვარე დროში ის ყველას გვიგზავნის გზავნილს: "იბრძოლეთ, სანამ გვიან არ არის"", - ამბობს რასა იუკნევიჩიენე, ევროპარლამენტარი და ნომინაციის თანაინიციატორი.

სახაროვის სახელობის პრემია 1988 წელს ევროპის პარლამენტის მიერ დაარსდა. ჯილდო ყოველწლიურად ადამიანის უფლებების და ძირითადი თავისუფლებების, დემოკრატიის განვითარების და კანონის უზენაესობის, საერთაშორისო სამართლის პატივისცემის და უმცირესობის უფლებების დაცვის საკითხებში შეტანილი წვლილისთვის გაიცემა.

ევროპარლამენტის პრეზიდენტების კონფერენცია ლაურეატს სამი შერჩეული კანდიდატიდან მომავალ კვირას, 22 ოქტომბერს შეარჩევს.

"ერთად, ანდჟეი პოჩობუტი და მზია ამაღლობელი წარმოადგენენ ერთი და იგივე ბრძოლის ორ ფრონტს - სიმართლის, ღირსებისა და გამოხატვის თავისუფლების დაცვას კრემლის მიერ დაფინანსებული ტირანიის წინააღმდეგ. ისინი აგრძელებენ ბრძოლას თანამემამულეების - და ჩვენი თავისუფლებისთვის. მათი ისტორიები ერთმანეთს ასახავს: ჟურნალისტები, რომლებმაც შიშის ნაცვლად სინდისი აირჩიეს, დუმილის ნაცვლად სამართლიანობა. ბელორუსიიდან საქართველომდე, უკრაინიდან მოლდოვამდე, მათი გამბედაობა მთელ რეგიონში ისმის, რომელიც ჩაგვრისა და რუსეთის იმპერიული გავლენის ჩრდილში თავისუფლებისთვის იბრძვის. პოჩობუტისა და ამაღლობელის პატივისცემა ორი შესანიშნავი ადამიანისადმი პატივისცემაზე მეტია - ეს არის სოლიდარობის განცხადება ყველას მიმართ, ვინც თავისუფლებას რისკავს დემოკრატიისა და იმ ღირებულებების დასაცავად, რომლებზეც ევროპა დგას", - ამბობს EPP ჯგუფის ვიცე-თავმჯდომარე, ანდეი ჰალიცკი.

ავტორი: ექსპრესნიუსი,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის