ეუთო-ს თავმჯდომარე, ფინეთის საგარეო საქმეთა მინისტრი ელინა ვალტონენი გზის გადაკეტვის საბაბით 5 000 ლარით დააჯარიმეს. ინფორმაცია „პუბლიკას“ შინაგან საქმეთა სამინისტროში დაუდასტურეს.

14 ოქტომბერს ელინა ვალტონენი დელეგაციის წევრებთან ერთად რუსთაველზე, საპროტესტო აქციაზე მივიდა და გაესაუბრა აქციის მონაწილეებს. მოგვიანებით მან X-ზე რუსთაველის გამზირზე გადაღებული ვიდეოც გაავრცელა:

„მე ახლა თბილისში, პარლამენტის წინ ვარ, სადაც მშვიდობიანი დემონსტრანტები ნელ-ნელა იკრიბებიან. ბევრი ადამიანი მოდის ევროკავშირის, NATO-ს, როგორც ჩანს, ფინეთის და რაც მთავარია, საქართველოს დროშებით. მიზეზი არის ის, რომ ეს ხალხი შეშფოთებულია იმ გეზით, რომელიც ქვეყანამ აიღო; იმით, რომ ართმევენ საბაზისო უფლებებს, დაწყებული შეკრებისა და გამოხატვის თავისუფლებიდან. ეს ადამიანები იმსახურებენ ყველა ამ უფლების ქონას და ჩვენ ვართ აქ, რომ მათ მხარი დავუჭიროთ“, – თქვა მან.

15 ოქტომბერს „ოცნების“ მთავრობამ გაავრცელა განცხადება, რომ „კანონსაწინააღმდეგო მიტინგში მონაწილეობის“ გამო, ირაკლი კობახიძემ ელინა ვალტონენთან შეხვედრა გააუქმა. ამავე დღეს ფინურმა გამოცემა Helsingin Sanomat-მა გაავრცელა ინფორმაცია, რომლის მიხედვითაც, ელინა ვალტონენმა ირაკლი კობახიძესთან შეხვედრა თავად გააუქმა.

დღეს „ქართული ოცნების“ პრემიერის განცხადებას თავად ელინა ვალტონენი გამოეხმაურა და კობახიძე ფინეთში მიიწვია, რათა შეხვდეს თავისუფალ მედიას და დააკავრიდეს მისთვის სასურველ ნებისმიერ დემონსტრაციას.

„P.S. ბოდიში, დატვირთული გრაფიკის გამო თბილისში ჩვენი შეხვედრის გაუქმება მომიწია”, – დაწერა X-ზე ელინა ვალტონენმა.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე