რუსეთის მხრიდან მემორანდუმის წარდგენის შიში მეტყველებს იმაზე, რომ სავარაუდოდ ის სავსეა არარეალისტური ულტიმატუმებით,- ამის შესახებ სოციალურ ქსელ X-ში უკრაინის საგარეო საქმეთა სამინისტროს წარმომადგენელმა, გეორგი ტიხიმ დაწერა. მისი თქმით, თუ ეს ასე არ არის, რუსულმა მხარემ დაუყოვნებლივ უნდა წარადგინოს დოკუმენტი.

„რუსების მხრიდან თავიანთი „მემორანდუმის“ გაგზავნის შიში აჩვენებს, რომ სავარაუდოდ ის სავსეა არარეალისტური ულტიმატუმებით და მათ ეშინიათ გამოააშკარავების, რომ ისინი აჭიანურებენ სამშვიდობო პროცესს. თუ ეს ასე არ არის, მათ უნდა გადმოგვცენ დოკუმენტი დაუყოვნებლივ, როგორც საგარეო საქმეთა მინისტრმა, ანდრეი სიბიგამ განაცხადა, და შეწყვიტონ თამაში, რაც აჩვენებს, რომ მათ სავარაუდოდ სურთ, რომ შემდეგი შეხვედრა ცარიელი იყოს“, – წერს ტიხი.

მანამდე კრემლის პრესმდივანმა, დიმიტრი პესკოვმა არაკონსტრუქციული უწოდა უკრაინის მოთხოვნას, დაუყოვნებლივ წარადგინონ დოკუმენტი. მისი განცხადებით, რუსეთს უკრაინისგან ჯერ არ მიუღია თანხმობა 2 ივნისს სტამბოლში მოლაპარაკებების მეორე რაუნდის გამართვასთან დაკავშირებით. ამასთან, რუსეთის პრეზიდენტის პრესმდივანმა თქვა, რომ კრემლი არ აპირებს პროექტების შინაარსის საჯარო განხილვას. მან აღნიშნა, რომ მოლაპარაკებები დახურულ და არა საჯარო რეჟიმში უნდა წარიმართოს.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი