ჩვენ ყველაფერს გავაკეთებთ, რომ პუტინთან შეხვედრა შედგეს. ამის შესახებ უკრაინის პრეზიდენტმა, ვოლოდიმირ ზელენსკიმ ჟურნალისტებთან საუბრისას განაცხადა.

„ჩვენ ყველაფერს გავაკეთებთ, რომ ეს შეხვედრა შედგეს, თუ პუტინი ნამდვილად არის მზად არა მხოლოდ მედიაში, არამედ რეალურ ცხოვრებაში შეხვედრისთვის. მაშინ ლიდერების დონეზე, ჩვენ ყველაფერს გავაკეთებთ, რათა ცეცხლის შეწყვეტაზე შევთანხმდეთ.  სწორედ მასთან უნდა შევთანხმდე ცეცხლის შეწყვეტაზე, რადგან მხოლოდ ის წყვეტს ამას“, – განაცხადა ზელენსკიმ.

ვოლოდიმირ ზელენსკის თქმით, ვლადიმერ პუტინს მასთან პირდაპირი მოლაპარაკებების ეშინია. როგორც ზელენსკიმ აღნიშნა, 11 მარტს საუდის არაბეთში გამართულ შეხვედრაზე უკრაინამ სრულად დაუჭირა მხარი აშშ-ის შეთავაზებას ცეცხლის სრული და უპირობო შეწყვეტის შესახებ, რადგან უკრაინა ომის დასრულებისკენ მიისწრაფვის.

ზელენსკის განცხადებით, უკვე 63 დღეა, რაც ეს შეთავაზება ძალაშია.

„მე არაერთხელ აღვნიშნე ეს პრეზიდენტ ტრამპთან. მიმაჩნია, რომ პუტინს არ სურს ომის დასრულება, არ სურს ცეცხლის შეწყვეტა, არ სურს რამე მოლაპარაკებები. უკვე აღარაფერს ვამბობ, რომ მას ეშინია ჩემთან პირდაპირი მოლაპარაკებების“, – აღნიშნა ზელენსკიმ.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი