რუსთაველის თეატრის მსახიობი, ანა ამილახვარი ამბობს, რომ სცენიდან რეჟიმის პატიმრების მიმართ გამოხატული მხარდაჭერის გამო, ის და კიდევ 2 მსახიობი რობერტ სტურუას სპექტაკლიდან: მიჯაჭვული პრომეთედან მოხსნეს.

"მე და ჩემმა მეგობრებმა გავაჟღერეთ, რომ ჩვენ სინდისის პატიმრების მიმართ სოლიდარულები ვართ [...] 6 თებერვალს უკვე გამოსცეს ეს დადგენილება, სადაც აგვიხსნეს, რომ ჩვენ მოქმედი სპექტაკლის მონაწილეები აღარ ვართ და ასევე, რომ ჩვენ შენიშვნა მოგვცეს, რაც იმას გულისხმობს, რომ შემდეგ ნებისმიერ შენიშვნაზე - არ ვიცი, ახლა რომ ინტერვიუს გაძლევთ, შეიძლება, ესეც გახდეს მიზეზი - თეატრიდან საერთოდ მომხსნან [...]

დადგენილებაში წერია, რომ სამმა მსახიობმა, ყოველგვარი ნებართვისა და შეთანხმების გარეშე, თვითნებურად განახორციელა შემდეგი ქმედება: კოსტიუმის შიგნით ჩაიცვეს მაისური სააგიტაციო, პროპაგანდისტული მოსაზრებების გამომხატველი წარწერით და მაყურებლის წინაშე ასეთი ფორმით წარდგნენ [...] ამასთან, თეატრის მსახიობებს სცენაზე კოსტიუმის გარდა, სხვა სამოსით შემოსვლა ეკრძალებათ". - თქვა ამილახვარმა TV პირველთან საუბარში.

2 თებერვალს, სპექტაკლის დასრულების შემდეგ, ანა ამილახვარს კოსტიუმის შიგნიდან ეცვა მაისური, რომელზეც ეწერა: "თავისუფლება სინდისის პატიმრებს:. კიდევ ერთ მსახიობს მაისურზე ეწერა: "თავისუფლება ანდროს და მზიას". მესამე მსახიობს კი ბანერი ჰქონდა გაშლილი, რომელზეც ეწერა: "თავისუფლება რეჟიმის ტყვეებს". აქედან 4 დღის შემდეგ, რუსთაველის თეატრის დასის მმართველმა, დავით უფლისაშვილმა მოხსენებითი ბარათი გამოსცა, რითიც რობერტ სტურუას აცნობა, რომ მსახიობებმა თეატრის შინაგანაწესი დაარღვიეს - რობერტ სტურუამ კი გადაწყვიტა, რომ ეს 3 მსახიობი სპექტაკლიდან მოეხსნა.

ავტორი: ექსპრესნიუსი,

სოციალური ქსელები

NATO-ს სამეკავშირეო ოფისი: ვუერთდებით ქართველ ხალხს საქართველოს დამოუკიდებლობის დღის აღნიშვნაში

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი