უკრაინის პრეზიდენტმა ვლადიმირ ზელენსკიმ სამშვიდობო ხელშეკრულების პირველ ნაბიჯებზე მუშაობას აგრძელებს ამის შესახებ მან ტელეგრამის საკუთარ არხზე დაწერა.

"ჩვენ ვამზადებთ გეგმას პირველი ნაბიჯებისთვის სამართლიანი და მდგრადი მშვიდობის დასაახლოებლად. ჩვენ მასზე სწრაფად ვმუშაობთ. ის მზად იქნება უახლოეს მომავალში. ევროპას აქვს საერთო ხედვა ომის დასრულებასთან და უსაფრთხოების გარანტიებთან დაკავშირებით. ეს უნდა იყოს მომავალი მოლაპარაკებების მაგიდაზე უკრაინასა და შეერთებულ შტატებთან ერთად", - წერს პრეზიდენტი.

სამშვიდობო მოლაპარაკებები: მნიშვნელოვანი სიახლე
ერთი დღით ადრე ზელენსკიმ გააჟღერა წინადადება სამშვიდობო მოლაპარაკებებისკენ პირველი ნაბიჯის შესახებ. იგი მოიცავს, კერძოდ, პატიმრების გათავისუფლებას, ცეცხლის შეწყვეტას ზღვაზე და ცაში, რაც ითვალისწინებს რაკეტების, შორი დისტანციური თვითმფრინავების გამოყენების აკრძალვას, ენერგეტიკულ და სამოქალაქო ინფრასტრუქტურაზე დარტყმებს.

პრეზიდენტმა ასევე აღნიშნა, რომ უკრაინას ახლა სურს "ძალიან სწრაფად" გაიაროს შემდეგი ეტაპები და შეერთებულ შტატებთან ერთად შეათანხმოს ძლიერი საბოლოო შეთანხმება.

ზელენსკიმ ცალკე განაცხადა, რომ 28 თებერვალს თეთრ სახლში აშშ-ს პრეზიდენტ დონალდ ტრამპთან შეხვედრამ ჩაიარა "არა ისე, როგორც მოსალოდნელი იყო": "სირცხვილია, რომ ასე მოხდა. დროა გავაკეთოთ ყველაფერი სწორად. ჩვენ გვინდა, რომ მომავალი თანამშრომლობა და კომუნიკაცია იყოს კონსტრუქციული".

ავტორი: ექსპრესნიუსი,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს