თბილისში, სამოქალაქო აქტივისტების, ნიკოლოზ ლაცაბიძისა და დათო ფუთურიძის საცხოვრებელ სახლებში სამართალდამცველები ჩხრეკას ატარებენ.

ნიკოლოზ ლაცაბიძის მამა მედიასთან აცხადებს, რომ მისი შვილის წინააღმდეგ მიღებული ზომები შესაძლოა საპროტესტო აქციებში მონაწილეობას უკავშირდებოდეს.

„აქციებზე დადის და ამიტომ ისჯება, მე ასე მგონია“, – განაცხადა მან.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 239-ე პრიმა მუხლის პირველი ნაწილით მიმდინარეობს, რაც ძალადობრივი ქმედებისკენ საჯაროდ მოწოდებას გულისხმობს.

„შინაგან საქმეთა სამინისტრომ ძალადობრივი ქმედებისკენ საჯაროდ მოწოდების ფაქტზე გამოძიება დაიწყო. ოპერატიულ-საგამოძიებო მოქმედებების შედეგად პოლიციამ სავარაუდო დამნაშავე პირები დაადგინა და მათ მიმართ შესაბამისი საგამოძიებო მოქმედებები მიმდინარეობს“, – აცხადებენ შსს-ში.

არსებული ინფორმაციით, გამოძიება უკავშირდება თბილისის რამდენიმე ლოკაციაზე, მათ შორის მეტროსადგურებში, გაჩენილ წარწერებს – „მოკალი ქოცი“.

ავტორი: ექსპრესნიუსი,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის