სოფელ საბერიოში ხანძრის შედეგად დაღუპულ ხუთ ბავშვს დღეს დაკრძალავენ

ოკუპირებული გალის რაიონის სოფელ საბერიოში, ჭოლარიების ოჯახში 5 იანვარს, დილით მომხდარი ტრაგედიის დროს სახლში იმყოფებოდნენ ბებია და მასთან ზუგდიდიდან საახალწლოდ ჩაყვანილი ხუთი შვილიშვილი.

ხანძარი შეშის ღუმლის ანთების მცდელობას მოჰყვა. ადგილობრივ მცხოვრებთა თანახმად, ბებიას, სავარაუდოდ, ნავთი ბენზინში აერია და შეშის ღუმელში ბენზინი ჩაასხა. ხის პატარა სახლს ცეცხლი სწრაფად მოედო. ბავშვების გადარჩენა ვერ მოხერხდა. დაღუპული ხუთი ბავშვიდან უფროსი გოგო 8 წლის იყო, უმცროსი - 8 თვის.

ბავშვების ბებია დამწვრობით თავდაპირველად რუხის კლინიკაში გადაიყვანეს, შემდეგ კი - ქუთაისის რეფერალურ ჰოსპიტალში. მისი ჯანმრთელობის მდგომარეობა საშუალო სიმძიმისაა.

ავტორი: ექსპრესნიუსი,

სოციალური ქსელები

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო

თიბისი კონცეპტი წარმოგიდგენთ თბილისის საერთაშორისო თეატრალურ ფესტივალს

კალაძე: ორი წლის წინ რეაბილიტირებულ მეტროსადგურ „ავლაბარში“ წყალი ისე ჩადიოდა, როგორც გარეთ, შეისწავლეთ საკითხი

Washington Post: აშშ-ს ყოფილი მოკავშირე საქართველო ირანის ორბიტაზე ექცევა