საქართველოში სამუშაო ვიზიტით ამერიკის შეერთებული შტატების ევროპული სარდლობის მთავარი სერჟანტი შერილ ლაიონი იმყოფება.  თავდაცვის სამინისტროს ინფორმაციით, ვიზიტის ფარგლებში მთავარ სერჟანტს საქართველოს შეიარაღებული ძალების გენერალური შტაბის უფროსმა გენერალ-მაიორმა ვახტანგ კაპანაძემ უმასპინძლა.

„აშშ-ის ევროპული სარდლობის მთავარი სერჟანტის ვიზიტი, რა თქმა უნდა, მნიშვნელოვანი მოვლენაა ჩვენთვის. მას თან ახლავს ჩვენი მთავარი სერჟანტი, რომელიც ეცდება აჩვენოს ის საუკეთესო, რასაც ჩვენ მივაღწიეთ. პროფესიული სერჟანტთა სკოლის განვითარება ერთ-ერთი ყველაზე დიდი მიღწევაა საქართველოს შეიარაღებულ ძალებში და ჩვენ ამით ძალიან ვამაყობთ. დიდი იმედი გვაქვს, რომ მსგავსი ვიზიტები გაიზრდება და მათი მიზანი იქნება არა მხოლოდ რჩევის მიცემა და დახმარების აღმოჩენა, არამედ გამოცდილების გაზიარებაც,“ - განაცხადა გენერალ-მაიორმა ვახტანგ კაპანაძემ.

დღის განმავლობაში შერილ ლაიონი საქართველოს შეიარაღებული ძალების მთავარ სერჟანტ ბესო ხატიაშვილთან ერთად OCC ბატალიონის წვრთნას დაესწრება და სერჟანტთა მომზადების ცენტრს მოინახულებს. ვიზიტის ფარგლებში აშშ-ის ევროპული სარდლობის მთავარი სერჟანტი ქართველი სერჟანტების მომზადების პროცესს გაეცნობა და არსებული ვითარების შესახებ ევროპული სარდლობის გენერალს მოხსენებას წარუდგენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს