კუბლაშვილი დარწმუნებულია, რომ პარლამენტს უზენაესი სასამართლოს თავმჯდომარეობის ღირსეული კანდიდატი წარედგინება

2015-02-13 14:28:29, 588 ნახვა

პოლიტიკა

უზენაესი სასამართლოს მოქმედი თავმჯდომარე კოტე კუბლაშვილი დარწმუნებულია, რომ პარლამენტს მისი ღირსეული შემცვლელი წარედგინება.

ამის შესახებ კუბლაშვილმა ჟურნალისტებს სასტუმრო "რადისონში" განუცხადა, სადაც სისხლის სამართლის საქმეზე გამოცემული კრებულის პრეზენტაციას დაესწრო.

კოტე კუბლაშვილისთვის უზენაესი სასამართლოს თავმჯდომარეობის კანდიდატურის შერჩევის მთავარი კრიტერიუმები კეთილსინდისიერება და პროფესიონალიზმია.

"მთავარი კრიტერიუმებია კეთილსინდისერება, ანუ პატიოსანი ადამიანი უნდა იყოს და მეორე პროფესიონალიზმი. დარწმუნებული ვარ, რომ გონივრული იქნება გადაწყვეტილება და ღირსეული ადამიანი წარედგინება პარლამენტს",-განაცხადა კოტე კუბლაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან