ნატო-საქართველოს არსებითი პაკეტით გთვალისწინებული კიბერუსაფრთხოების პროექტის განხორციელების ფარგლებში, საქართველოში სტუმრად ესტონეთის რესპუბლიკის თავდაცვის სამინისტროს კიბერპოლიტიკის დეპარტამენტის დირექტორი მიხაილ ტიკი და კიბერპოლიტიკის დეპარტამენტის მრჩეველი ანგელიკა უუსი იმყოფებიან.

დღეს ესტონელი სტუმრები საქართველოს თავდაცვის მინისტრმა მიიღო. შეხვედრაზე კიბერუსაფრთხოების სფეროში ორ ქვეყანას შორის თანამშრომლობის საკითხები განიხილეს. მხარეებმა ნატო-საქართველოს არსებითი პაკეტის კიბერუსაფრთხოების პროექტის განხორციელების სამომავლო გეგმებზე ისაუბრეს. ესტონურმა მხარემ აღნიშნული პროექტის ლიდერად ანგელიკა უუსი წარმოადგინა. ქართულმა მხარემ ესტონელ სტუმრებს კიბერუსაფრთხოების სფეროს განვითარებაში გაწეული დახმარებისთვის მადლობა გადაუხადა.

თავდაცვის სამინისტროში გამართულ შეხვედრას კიბერუსაფრთხოების ბიუროს დირექტორი ანდრია გოცირიძე, საქართველოში ესტონეთის რესპუბლიკის ელჩი პრიტ ტურკი და თავდაცვის ატაშე ვიცე-პოლკოვნიკი კულდარ კესკულა დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი