თბილისში საგზაო უსაფრთხოების რეგიონული სამიტი მიმდინარეობს, რომელზეც რეგიონში არსებულ მდგომარეობას, საგზაო უსაფრთხოების გაუმჯობესების მიმართულებით გადადგმულ ნაბიჯებსა და სამომავლო გეგმებს განიხილავენ.

გამომსვლელების მხრიდან განსაკუთრებული ყურადღება ეთმობა სასკოლო ზონებში საგზაო ინფრასტრუქტურის იმგვარად მოწესრიგებას, რომ ტერიტორიაზე გადაადგილებისას პრიორიტეტი ფეხით მოსიარულეებს მიენიჭოს.

ღონისძიებას თბილისის ტრანსპორტისა და ურბანული განვითარების სააგენტოს უფროსის მოადგილე დავით ჯაიანი დაესწრო და სამიტის მონაწილეებს სიტყვით მიმართა.  

როგორც მან აღნიშნა, ბოლო წლებში, სატრანსპორტო რეფორმის ფარგლებში არაერთი პროექტი წარმატებით განხორციელდა, თუმცა საგზაო უსაფრთხოების მიმართულებით გამოწვევები კვლავ რჩება. 

„ბოლო ხუთი წლის განმავლობაში, ვახორციელებთ სატრანსპორტო რეფორმას, რაც მდგრადი ურბანული მობილობისკენაა მიმართული. თბილისის მერიის ამჟამინდელი პოლიტიკაა, არ ვიყოთ მხოლოდ ავტომობილებზე ორიენტირებული ქალაქი და გადაადგილების ყველა მონაწილეს თანაბარი პირობები შევუქმნათ. ამ მიმართულებით არაერთი ცვლილება გვაქვს: განახლდა საზოგადოებრივი ტრანსპორტი, რეაბილიტაცია ჩაუტარდა არაერთ ქუჩას, განხორციელდა ტაქსებისა და პარკინგის რეფორმა.

პროექტები გრძელდება და ყველგან, სადაც ინფრასტრუქტურული სამუშაოები ხორციელდება, განსაკუთრებული მნიშვნელობა ენიჭება მოქალაქეთა უსაფრთხოებას, რაც გულისხმობს საფეხმავლო ბილიკების, ზებრა გადასასვლელებისა თუ უსაფრთხოების კუნძულების მოწყობას. პარალელურად, აქტიური კომუნიკაცია გვაქვს იმ ორგანიზაციების წარმომადგენლებთან, რომლებიც თბილისში საგზაო უსაფრთხოების გაუმჯობესების მიმართულებით მუშაობენ. მათთან თანამშრომლობითა და საერთაშორისო სტანდარტების გათვალისწინებით, სასკოლო ზონების ხელახალი დიზაინი შევიმუშავეთ“, - განაცხადა დავით ჯაიანმა. 

მისივე თქმით, საგზაო ინფრასტრუქტურის გარდაქმნა, მათ შორის, სკოლების მიმდებარე ტერიტორიებზე, კომპლექსური საკითხია და თბილისის მერიის შესაბამისი სამსახურების გარდა, ცენტრალური ხელისუფლებისა და სხვადასხვა სამინისტროს ჩართულობას მოითხოვს. 

„დედაქალაქს, სამწუხაროდ, ურბანული მობილობის სტრატეგია არ გააჩნდა. ჩვენ საერთაშორისო და დონორ ორგანიზაციებთან თანამშრომლობით, შევიმუშავეთ თბილისის 20-წლიანი სატრანსპორტო გეგმა, რომელიც ძირითად ამოცანებსა და მიზნებს მოიცავს. დოკუმენტში ასახული პროექტების უმრავლესობა აღსრულების ეტაპზეა, რაც იმას ნიშნავს, რომ ინფრასტრუქტურის მოწესრიგებისას, ვითვალისწინებთ და ვაწყობთ საავტობუსო ზოლებს, საფეხმავლო და ველობილიკებს. აქამდე ქალაქი სხვაგვარად იყო დაგეგმარებული, რომლის შეცვლა და ყველა მოქალაქეზე მორგება გვიწევს“, - აღნიშნა ტრანსპორტისა და ურბანული განვითარების სააგენტოს უფროსის მოადგილემ. 

გლობალურ სამიტში საგზაო უსაფრთხოების საერთაშორისო ორგანიზაციების - „აღმოსავლური ალიანსი უსაფრთხო და მდგრადი ტრანსპორტისთვის“ (EASST), FIA Foundation-ის, მსოფლიო ჯანდაცვის ორგანიზაციის (WHO), სომხეთის, აზერბაიჯანის, საბერძნეთის, ასევე, საქართველოსა და რეგიონის სხვა წამყვანი დარგობრივი არასამთავრობო ორგანიზაციების წარმომადგენლები მონაწილეობენ. 

ინფორმაციას თბილისის მერია ავრცელებს. 

ავტორი: NS (სტატია დაფინანსებულია),

სოციალური ქსელები

ორდღიანი ძებნის შემდეგ, დაკარგული მწყემსი მდინარე გუბისწყალში გარდაცვლილი იპოვეს

ბათუმის სახელმწიფო უნივერსიტეტის პროფესორმა ახალგაზრდა გოგოებზე იძალადა

Axios: აშშ და ირანი 60-დღიან ცეცხლის შეწყვეტაზე შეთანხმდნენ

ევროკავშირმა სანქციები დააწესა ოთხი ორგანიზაციისა და სამი ისრაელელი „ექსტრემისტი მკვიდრის“ წინააღმდეგ