დანია უკრაინას F-16 ტიპის მოიერიშე 19 თვითმფრინავს გადასცემს. ამის შესახებ დანიის პრემიერ-მინისტრმა, მეტე ფრედერიქსენმა უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე განაცხადა.

ფრედერიქსენის თქმით, ომის დაწყებიდან დანია უკრაინის გვერდით იყო.

"თქვენ და თქვენმა თანამემამულეებმა დაგვანახეთ თუ რა არის სიმამაცე. ამისთვის თქვენთან ვალში ვართ. ომის დაწყებიდან დანია იყო უკრაინის გვერდით, რადგან უკრაინის თავისუფლება - ჩვენი თავისუფლებაა. ჩვენ ასევე ვიცით, თუ რა გჭირდებათ თქვენ. ზუსტად ამიტომ, ვაცხადებთ, რომ უკრაინა 19 ერთეულ F-16-ს მიიღებს",- განაცხადა დანიის პრემიერმა.

ცნობისთვის, მანამდე, უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა ნიდერლანდებისგან F-16-ის ტიპის საბრძოლო თვითმფრინავების 42 ერთეულს მიიღებს. 

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა