პრეზიდენტო ზელენსკი, მზად ვართ, გაგიწიოთ დახმარება წყალდიდობასთან გასამკლავებლად და მხარი დაგიჭიროთ შედეგების წინააღმდეგ ბრძოლაში,- ამის შესახებ მოლდოვის პრეზიდენტი მაია სანდუ სოციალურ ქსელში წერს.

სანდუს თქმით, კატეგორიულად გმობს კახოვკას კაშხლის აფეთქებას. 

"კატეგორიულად ვგმობ დღეს დილით ნოვა კახოვკას კაშხლის აფეთქებას.

რუსეთის მიერ კრიტიკული ინფრასტრუქტურის სამიზნეში ამოღება ომის დანაშაულია. 

პრეზიდენტო ზელენსკი, ჩვენ მზად ვართ, გაგიწიოთ დახმარება წყალდიდობასთან გასამკლავებლად და მხარი დაგიჭიროთ შედეგების წინააღმდეგ ბრძოლაში",- წერს სანდუ.

ცნობისთვის, რუსმა ოკუპანტებმა კახოვკას ჰიდროელექტროსადგური დღეს დილით ააფეთქეს.

ხერსონის სამხედრო ადმინისტრაციის ხელმძღვანელის, ალექსანდრ პროკუდის თქმით, დაწყებულია ადგილობრივი მოსახლეობის ევაკუაცია, ვინაიდან წყალი კრიტიკულ დონეს 5 საათში მიაღწევს და მაღალია სხვადასხვა ქალაქის დატბორვის რისკი.

ავტორი: ექსპრესნიუსი,

სოციალური ქსელები

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში

სააკაშვილი ოპოზიციას - უნდა შევწყვიტოთ მოწკმუტუნე მხვეწნელის როლში ყოფნა