2023-04-10 18:03:29, 1476 ნახვა

---

შუახევში საგანგებო სიტუაციების კოორდინაციისა და გადაუდებელი დახმარების ცენტრის შენობის მშენებლობა მიმდინარეობს

შუახევში, ევროსტანდარტების შესაბამისი საგანგებო სიტუაციების კოორდინაციისა და გადაუდებელი დახმარების ცენტრის შენობის მშენებლობა მიმდინარეობს. ამის შესახებ ინფორმაციას შუახევის მუნიციპალიტეტის მერია ავრცელებს.

როგორც ინფორმაციაშია აღნიშნული, პროექტით გათვალისწინებულ სამუშაოებს შუახევის მერი, ომარ ტაკიძე, მოადგილე, გურამ ზოიძესთან, საკრებულოს თავმჯდომარე, როსტომ ლორთქიფანიძესთან და მერიის შესაბამისი სამსახურის თანამშრომლებთან ერთად გაეცნო.

სამუშაოების დასრულების შემდეგ ცენტრი თანამედროვე ინვენტარით აღიჭურვება, კეთილმოეწყობა საპარკინგე სივრცე.

პროექტი გადაუდებელი სამედიცინო დახმარების სერვისის გაუმჯობესებას ისახავს მიზნად.

სასწრაფო სამედიცინო დახმარების ცენტრის მშენებლობა მიმდინარე წელს დასრულდება. სამშენებლო სამუშაოებზე 355,712 ლარამდე დაიხარჯება.

 

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი