თურქეთი ფინეთისა და შვედეთის ნატოში გაწევრიანებაზე ვეტოს მოხსნის. მადრიდში გამართული მოლაპარაკებების შემდეგ სამი ქვეყნის ლიდერებმა ხელი მოაწერეს ერთობლივ მემორანდუმს და შეთანხმდნენ ტერორიზმის წინააღმდეგ ბრძოლაში დაზვერვის გაცვლის თანამშრომლობის მექანიზმის შექმნაზე.

ნატოს გენერალური მდივნის, იენს სტოლტენბერგის თქმით, რუსეთის პრეზიდენტი ვლადიმერ პუტინი ახლა უფრო მეტ ნატოს მიიღებს რუსეთთან საზღვარზე და ამ ქვეყნების ალიანსში ჩართვა რადიკალურად შეცვლის ვითარებას ბალტიის რეგიონში. გადაწყვეტილება ოთხშაბათს მიიღება.

იენს სტოლტენბერგმა აღნიშნა, რომ ხელმოწერილი მემორანდუმი ეხმაურება თურქეთის შეშფოთებას, მათ შორის იარაღის ექსპორტისა და ტერორიზმთან ბრძოლის საკითხებს. „ჩვენს მოკავშირეებს შორის თურქეთი ყველაზე მეტად დაზარალდა ტერორისტული თავდასხმებისგან, მათ შორის ქურთი სეპარატისტების თავდასხმებისგან“, - განაცხადა ალიანსის გენერალურმა მდივანმა.

თურქეთის პრეზიდენტის რეჯეფ თაიფ ერდოღანის ოფისში განაცხადეს, რომ ანკარამ მიაღწია სასურველ ნაბიჯებს შვედეთისა და ფინეთის მხრიდან, რათა დათანხმდეს მათ ნატოში შესვლას.

ხელმოწერილი დოკუმენტის მიხედვით, ფინეთი და შვედეთი მზად არიან იმუშაონ თურქეთთან ტერორიზმში ბრალდებული პირების ექსტრადირებაზე.
ნატოს სამიტი სამშაბათს მადრიდში გაიხსნა. ერთი დღით ადრე ორგანიზაციის გენერალურმა მდივანმა ისაუბრა ალიანსის აღმოსავლეთ ნაწილში სწრაფი რეაგირების ძალების რაოდენობის 7,5-ჯერ გაზრდის გეგმებზე.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი