ფინეთის სახელმწიფო ოპერატორმა Gasum-მა დაადასტურა, რომ რუსული გაზის მიწოდება ფინეთს ხვალ ადგილობრივი დროით დილის 7 საათზე შეუწყდება.

"ძალიან სამწუხაროა, რომ ჩვენი მოქმედი კონტრაქტით გაზის მიწოდება შეჩერდება. თუმცა, ჩვენ ყურადღებით მოვემზადეთ ამ სიტუაციისთვის", - განაცხადა კომპანიის აღმასრულებელმა დირექტორმა მიკა ვილიანენმა.

მანამდე პარასკევს, ფინეთის ფინანსთა მინისტრმა ანნიკა საარიკომ გამოაცხადა, რომ ქვეყანამ ხელი მოაწერა ათწლიან იჯარას მცურავი LNG საცავისთვის ამერიკული კომპანიის Excelerate Energy-სგან.
„ეს მარაგი დაგვეხმარება რუსული გაზის მოშორებაში“, - განაცხადა მინისტრმა.

გასუმმა უარი თქვა რუსეთის მოთხოვნაზე მისი გაზის საფასურის რუბლებში გადახდაზე, ამას ხელშეკრულების დარღვევა უწოდა და არბიტრაჟით დაიმუქრა. 20 მაისს გაზპრომ ექსპორტმა შეატყობინა ფინურ ოპერატორს, რომ მიწოდება შეწყვეტს შაბათს დილით.

ავტორი: ექსპრესნიუსი,

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის