რუსეთის თავდაცვის სამინისტრომ გაავრცელა ვიდეო კადრები, რომლებშიც ჩანს ჩაძირული სარაკეტო კრეისერის „მოსკვა“-ს ეკიპაჟის შეხვედრა, სევასტოპოლში საზღვაო ძალების მთავარსარდალ ადმირალ ნიკოლაი ევმენოვთან.

მანამდე რუსული საინფორმაციო სააგენტოები წყაროებზე დაყრდნობით იტყობინებოდნენ, რომ ჩაძირული კრეისერის ეკიპაჟი გადაარჩინეს და სევასტოპოლში გადაიყვანეს. ამასთან, რუსეთის ხელისუფლება არ აკონკრეტებს ზუსტად რამდენი მეზღვაური გამოიყვანეს გემიდან და არიან თუ არა დაღუპულები. ასეთი ინფორმაცია ახლაც არ არსებობს.

სხვადასხვა წყაროს ცნობით, ხანძრის გაჩენის მომენტში მოსკოვის კრეისერზე შესაძლოა 500-700-მდე ადამიანი იმყოფებოდეს, თუმცა ეს ინფორმაცია არ დადასტურებულა.

შავი ზღვის ფლოტის ფლაგმანი კრეისერი Moskva 14 აპრილს ჩაიძირა. რუსეთის ხელისუფლება ამტკიცებს, რომ მიზეზი ხანძარი და ქარიშხალია, უკრაინული მხარე კი ამტკიცებს, რომ კრეისერს უკრაინული ნეპტუნის რაკეტები მოხვდა.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე