2021-03-13 11:20:01, 643 ნახვა

---

ამირან გამყრელიძე - დარწმუნებული ვარ, თანდათან დოზები გაიზრდება და ზაფხულში მასობრივი იმუნიზაცია გვექნება

„დარწმუნებული ვარ, რომ თანდათან დოზები გაიზრდება და ზაფხულში ჩვენ გვექნება მასობრივი იმუნიზაცია“, - ამის შესახებ დაავადებათა კონტროლის ეროვნული ცენტის ხელმძღვანელმა, ამირან გამყრელიძემ განაცხადა.

როგორც გამყრელიძემ მედიასთან აღნიშნა, წელს ქვეყანაში ორჯერადად უნდა აიცრას 1 700 000 ადამიანი, რისთვისაც საჭიროა 3 400 000 ვაქცინის დოზა.

„წელს ქვეყანაში უნდა აიცრას 1 700 000 ადამიანი ორჯერადად. ეს არის დაახლობით 3 400 000 დოზა, დანაკარგის გაანგარიშებით ვვარაუდობთ 3 900 000 დოზას, რომლის მობილიზება ქვეყანაში მოხერხდება. გარანტირებული არის 1 400 000 დოზა „კოვაქსიდან“, რომლითაც შემოვიდა ეს პირველი ვაქცინა. დარწმუნებული ვარ, რომ თანდათან დოზები გაიზრდება და ზაფხულში ჩვენ გვექნება მასობრივი იმუნიზაცია“, - განაცხადა ამირან გამყრელიძემ.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი