საქართველოს ეკონომიკისა და მდგრადი განვითარების სამინისტროში აბრეშუმის გზის ფორუმის საორგანიზაციო შეხვედრა გაიმართა, რომელსაც ქართული და ჩინური მხარის წარმომადგენლები დაეწრნენ.

ეკონომიკის სამინისტროს ინფორმაციით, შეხვედრას საქართველოს ეკონომიკისა და მდგრადი განვითარების მინისტრის მოადგილე ქეთევან ბოჭორიშვილი ხელმძღვანელობდა.

შეხვედრაზე განხილული იყო თბილისის აბრეშუმის გზის ფორუმის საორგანიზაციო საკითხები. შეხვედრაზე განხილული იყო ფორუმის მსვლელობისას ჩინეთის ოფიციალური დელეგაციის დღის წესრიგი. ჩინურ მხარეს თბილისის ფორუმზე ჩინეთის სახალხო რესპუბლიკის სინძიან-უიღურეთის ავტონომიური რაიონის თავმჯდომარე უხელმძღვანელებს.

შეხვედრაზე განხილულ საკითხებს შორის ასევე იყო აბრეშუმის გზის ფორუმის დღის წესრიგის ცალკეული საკითხები, მათ შორის, სასტუმრო „ჰუალინგის“ გახსნა თბილისში და თავისუფალი ინდუსტრიული ზონის ოფიციალური პრეზენტაცია ქუთაისში. აღნიშნული ობიექტები ჩინურ კომპანია „ჰუალინგს“ ეკუთვნის.

შეხვედრას საქართველოს საგარეო საქმეთა სამინისტროსა და ჩინეთის სახალხო რესპუბლიკის სინძიან-უიღურეთის ავტონომიური რეგიონის მთავრობის წარმომადგენლები დაესწრნენ, რომლებიც საქართველოში ფორუმის საორგანიზაციო სამუშაოებში მონაწილეობის მისაღებად არიან ჩამოსულნი. შეხვედრას ასევე დაესწრნენ საქართველოში ჩინეთის საელჩოს წარმომადგენლები.

ჩინეთის ოფიციალური დელეგაცია თბილისს 14 ოქტომბერს ეწვევა. 

თბილისის აბრეშუმის გზის ფორუმი 15-16 ოქტომბერს გაიმართება. მასშტაბური საერთაშორისო ღონისძიების ორგანიზატორია საქართველოს მთავრობა, თანაორგანიზატორი - ჩინეთის სახალხო რესპუბლიკის მთავრობა. ფორუმი იმართება საქართველოს პრემიერ-მინისტრის, ირაკლი ღარიბაშვილის პატრონაჟით. ფორუმის ფარგლებში თბილისს 30 ქვეყნის სამთავრობო დელეგაცია ჩამოვა, რომელთა შორისაც იქნებიან ვიცე-პრემიერები და მინისტრები. სულ თბილისის აბრეშუმის გზის ფორუმში მონაწილეობის მისაღებად თბილისს 700-ზე მეტი სტუმარი ეწვევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში დიდი საპროტესტო მსვლელობა მიმდინარეობს

სებ: ბრიტანეთის სანქციებში მითითებული სუბიექტები ეროვნული ბანკის მიერ რეგულირებული არ არიან

ბრიტანეთმა 3 საქართველოში რეგისტრირებულ კომპანიას შეზღუდვები დაუწესა

საქართველოს ბანკის გზავნილი ემიგრანტებს დამოუკიდებლობის დღესთან დაკავშირებით