თბილისის საქალაქო სასამართლოს მოსამართლემ თამაზ ურთმელიძემ „რუსთავი 2“-ის არცერთი შუამდგომლობა არ დააკმაყოფილა.

ტელეკომპანიის დამცველებმა  პროცესის დაწყებისას მოსამართლის აცილების შესახებ შუამდგომლობა დააყენეს, რაზეც მოსამართლემ უარი განაცხადა, მეორე შუამდგომლობა კი პროცესის გადადებას ეხებოდა.

როგორც ცნობილია, ადვოკატებმა ჯერ კიდევ წინა პროცესზე ჩააყენეს მოსამართლე ურთმელიძე საქმის კურსში, რომ არხის გენერალური დირექტორი და მთავარი იურისტი დღევანდელ სხდომას ვერ დაესწრებოდნენ, რის გამოც პროცესის გადადება ითხოვეს, თუმცა მოსამართლემ ეს შუამდგომლობა არ დააკმაყოფილა და 2 ოქტომბერს სხდომა მაინც ჩანიშნა.

მოსამართლის განცხადებით,  რუსთავი 2-ის მოთხოვნა იყო უსაფუძვლო.

"მე ვფიქრობ, რუსთავი 2 ცდილობს თავის რეჟიმზე ამყოფოს სასამართლო", - განაცხადა ურთმელიძემ.

ამ წუთებში რუსთავი 2-ის მხარე ითხოვს საქმე მოსამართლეთა კოლეგიამ განიხილოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიუშენის მქონე ბავშვების მშობლები დამოუკიდებლობის დღესთან დაკავშირებით განცხადებას ავრცელებენ

EU-ის წარმომადგენლობა და წევრი ქვეყნები საქართველოს დამოუკიდებლობის დღეს ულოცავენ

თვისუფლება გადამდებია - PSP დამოუკიდებლობის დღისადმი მიძღვნილი ახალი კამპანია

"ერთად გამარჯვებისთვის!" - ოპოზიციის ალიანსი დღეს საპროტესტო აქციას გამართავს