შინაგან საქმეთა სამინისტროს თბილისის სახელმწიფო უნივერსიტეტისა და ქართულ-ამერიკული უნივერსიტეტის სტუდენტები ეწვივნენ.

შინაგან საქმეთა სამინისტროს ინფორმაციით, სტუდენტებს შსს-ს საერთაშორისო ურთიერთობების დეპარტამენტისა და რეფორმებისა და განვითარების სააგენტოს ხელმძღვანელი პირები შეხვდნენ.

შეხვედრაზე სტუდენტებს შინაგან საქმეთა სამინისტროში განხორციელებული და მიმდინარე რეფორმები გააცნეს. სტუმრებმა ასევე დეტალური ინფორმაცია მიიღეს ევროინტეგრაციის კუთხით შსს-ს კომპეტენციაში შემავალი ვალდებულებების განხორციელების შესახებ, კერძოდ, ევროკავშირთან სავიზო რეჟიმის ლიბერალიზაციის სამოქმედო გეგმით, ასოცირების შესახებ შეთანხმებითა და ასოცირების დღის წესრიგით გათვალისწინებული საკითხების იმპლემენტაციის თაობაზე.

როგორც უწყებაში აცხადებენ, ღონისძიება მიზნად ისახავდა შინაგან საქმეთა სამინისტროში მიმდინარე რეფორმებისა და ევროინტეგრაციის კუთხით განხორციელებული საქმიანობის შესახებ სტუდენტების ინფორმირებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში