2020-11-06 22:41:19, 852 ნახვა

---

კასპის მუნიციპალიტეტში ღვთისმშობლის ეკლესიის კომპლექსის ციხე-გალავნის რეაბილიტაციის სამუშაოები დასრულდა

კასპის მუნიციპალიტეტის სოფელ ახალქალაქში დასრულდა ღვთისმშობლის ეკლესიის კომპლექსის ციხე-გალავნის რეაბილიტაციის სამუშაოები.

აღდგენილია ციხე-გალავანი, ნაგებობის ეზოში მოეწყო საგამოფენო დარბაზი, საოფისე სივრცე, მოსასვენებელი, საინფორმაციო ცენტრი და ამფითეატრი.

კულტურული მემკვიდრეობის ძეგლის აღდგენითი სამუშაოები ადგილობრივი და რეგიონებში განსახორციელებელი პროექტების ფონდის თანადაფინანსებით განხორციელდა. ციხე-გალავნის რეაბილიტაცია შპს „ივერთშენმა“ შეასრულა და მასზე 557 593 ლარი დაიხარჯა.

აღდგენილი კულტურული ძეგლი არა მარტო ადგილობრივი მოსახლეობისათვის, არამედ მრავალი ტურისტის სანახაობითი ადგილი იქნება. სწორედ ესაა კასპის მუნიციპალიტეტის ადგილობრივი ხელისუფლების მიზანიც ხელი შეუწყოს შიდა ტურიზმის განვითარებას და მოიზიდოს რაც შეიძლება მეტი ვიზიტორი- აღნიშნა კასპის მუნიციპალიტეტის მერის მოვალეობის შემსრულებელმა თამაზ ტატანაშვილმა.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი