2020-10-25 14:06:01, 644 ნახვა

---

ჩვენი ყველა ინსტიტუცია და შინაგან საქმეთა სამინისტრო დიდწილად უკვე ჩამოშლილია - დავით ბაქრაძე ძარცვის საქმეზე

„დღევანდელი ხელისუფლების პირობებში ჩვენი ინსტიტუციები და შინაგან სამინისტრო დიდწილად უკვე  ჩამოშლილია“, - ამის შესახებ პარტია „ევროპული საქართველოს“ ლიდერმა დავით ბაქრაძემ განაცხადა.

მისივე განცხადებით, საქართველოში კრიმინალური ვითარება საკმაოდ დამძიმდა და ამას მოწმობს ის ფაქტი, რომ ავტომატიანი ხალხი დღეს ბანკებს აყაჩაღებეს.

„ამ ადამიანის გამოვლინება არის უსწრაფესი ამოცანა, იმის გამო,  რომ თავის დროზე ცხელ კვალზე არაფერი არ გაკეთდა, ყოველდღიურად ამის შანსები უფრო და უფრო მცირდება და ეს არის გამოვლენა არა მხოლოდ იმის, როგორ დამძიმდა  კრიმინალური ვითარება საქართველოში, რომ ნიღბიანი და ავტომატიანი ადამიანები ბანკებს აყაჩაღებენ, არამედ გამოვლინება იმისი, რომ დღევანდელი ხელისუფლების პირობებში ჩვენი ინსტიტუციები და შინაგან სამინისტრო დიდწილად უკვე ჩამოშლილია“, - განაცხადა დავით ბაქრაძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი