საპარლამენტო უმცირესობის ლიდერი დავით ბაქრაძე საკონსტიტუციო სასამართლოს მიერ გიგი უგულავას საქმეზე მიღებულ გადაწყვეტილებას პროგრესულად აფასებს.

როგორც ბაქრაძემ აღნიშნა, პროკურტატურა და ხელისუფლება საქართველოში ვერცერთ ადამიანს  ვეღარ დააპატიმრებს და ვერ გააჩერებს წინასწარ პატიმრობაში 9 თვეზე მეტი პერიოდით

"მინდა მივულოცო საკონსტიტუციო სასამართლოს ძალიან მნიშვნელოვანი და პროგრესული გადაწყვეტილების მიღება, რომელსაც ჩვენი ქვეყნის თითოეული მოქალაქისთვის უდიდესი მნივნელობა აქვს. დაწყებული ამ წუთიდან, ვერცერთ ადამიანს საქართველოში, პროკურტატურა და ხელისუფლება, ვეღარ დააპატიმრებს და ვერ გააჩერებს წინასწარ პატიმრობაში 9 თვეზე მეტი პერიოდით. მიმაჩნია, რომ ეს გადაწყვეტილება უდაოდ არის ძალიან პროგრესული. ამ გადაწყვეტილებამ დაადასტურა, რომ გიგი უგულავა იმყოფება ანტიკონსტიტუციურ პატიმრობაში და ის არის უკანონო პატიმარი. ამ გადაწყვეტილებამ ცალსახად დაადასტურა, რომ უგულავა არის პოლიტიკური პატიმარი და პოლიტიკური დევნის მსხვერპლი ისე, როგორც სხვა ოპოზიციის ლიდერები. მოსამართლე ტურავას სრულიად სამარცხვინო ქმედებამ ნათლად დაანახა საზოგადოებას საქართველოშიც და საქართველოს გარეთაც, რომ მიმდინრე პროცესი, თავიდან ბოლომდე, პოლიტიკურ ხასიათს ატარებს. გადაწყვეტილება არის საბოლოო და გასაჩივრებას არ ექვემდებარება, რაც ნიშნავს მხოლოდ ერთს - ამ წუთის მდგომარეობიდან, გიგი უგულავა უნდა გათავისუფლდეს წინასწარი პატიმრობიდან და მისი პატიმრობაში გაჩერება, თუნდაც ერთი ზედმეტი საათი, არის სისხლის სამართლის დანაშაული იმ ადამიანების მხრიდან, ვინც მას უკანონო პატიმრობაში დატოვებს. მოვუწოდებ ხელისუფლებას, გამოიჩინოს გონიერება, პატივი სცეს სასამართლოს, კანონს, ჩვენს საერთაშორისო ვალდებულებებს და ბატონი ტურავას მსგავსი სამარცხვინო მანიპულაციებით დროის გაწელვის ნაცვლად, დაუყოვნებლივ აღასრულოს საკონსტიტუციო სასამართლოს გადაწყვეტილება და გაათავისუფლოს გიგი უგულავა", - განაცხადა დავით ბაქრაძემ.

ცნობისთვის, საკონსტიტუციო სასამართლომ "გიორგი უგულავა საქართველოს პარლამენტის წინააღმდეგ" საქმეზე სარჩელი ნაწილობრივ დააკმაყოფილა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარკო რუბიო - ჩვენ ვდგავართ ქართველი ხალხის გვერდით მდგრადი უსაფრთხოების, თავისუფლებისა და დამოუკიდებლობისკენ მათ სწრაფვაში

ხორვატია, ბულგარეთი და სერბეთი საქართველოს დამოუკიდებლობის დღეს ულოცავენ

ჩინეთის პრემიერი ლი ციანი - ჩინეთ-საქართველოს სტრატეგიული პარტნიორობა კარგად ვითარდება

ერდოღანი - ვულოცავთ ქართველ ხალხს, მეზობელი და მეგობარი საქართველოს დამოუკიდებლობის დღეს