ბათუმში კლინიკა "მედალფას" თანამშრომელთა ნაწილი კოვიდინფიცირებული პაციენტების მიღებაზე უარს აცხადებს - ამის შესახებ ჟურნალისტებთან აქციის მონაწილე ერთ-ერთმა სამედიცინო პერსონალმა განაცხადა.

აქციაზე შეკრებილი მედიკოსები ანაზღაურების გაზრდას და შესაბამისი პირობების  შექმნას ითხოვენ. მათი თქმით, ისინი პანდემიის დროს,  2 თვის განმავლობაში რთულ რეჟიმში  მუშაობდნენ, რისთვისაც  დანამატიც კი არ აუღიათ.

როგორც აქციის მონაწილეები მიიჩნევენ, კოვიდინფიცირებული პაციენტების მკურნალობაზე პასუხისმგებლობა ახლა სხვა კლინიკებმა უნდა აიღონ.

კლინიკა „მედალფას“ დირექტორი, ინგა ხოზრევანიძე მედიკოსების ამგვარ ქმედებას არაპროფესიონალიზმს უწოდებს და ამბობს, რომ თანამშრომლებთან სტანდარტულ ხელფასზე მუშაობა თავიდანვე ჰქონდა შეთანხმებული.

„ჩვენი ანაზღაურება არის სტანდარტული და ამ გზისთვის არ გადაგვიხვევია.  რამდენიმე კერძო კომპანიამ  მათ დანამატი ჩაურიცხა. თუ, სამედიცინო პერსონალი  საბოლოოდ უარს იტყვის  კორონავირუსით  ინფიცირებულებთან  მუშაობაზე, ახალი თანამშრომლებით ჩავანაცვლებთ. ვითხოვთ სახელმწიფოსგან სხვა კლინიკებში გადაანაწილონ ის  სპეციალისტები, რომლებსაც ვიწრო პროფილი აქვთ და კოვიდინფექციის დროს უმუშევრები რჩებიან“, - განაცხადა ინგა ხოზრევანიძემ.

ავტორი: ექსპრესნიუსი,

სოციალური ქსელები

უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა

პაპუაშვილი - 26 მაისის საპროტესტო აქცია რადიკალური ოპოზიციისთვის სიკვდილით დასჯად იქცა

პროკურატურამ საბავშვო ბაღში ბავშვის ცემაში ეჭვმიტანილ მასწავლებელს ბრალდება წარუდგინა

ბრიტანეთის მიერ დასანქცირებული ქართული კომპანიების წინააღმდეგ გამოძიება დაიწყო