2020-04-14 09:40:54, 1343 ნახვა

---

აშშ-ს საელჩო საქართველოში - ირაკლი ოქრუაშვილის დაპატიმრება ჩრდილს აყენებს სამართალწარმოების მიუკერძოებლობას

ირაკლი ოქრუაშვილის დაპატიმრება ჩრდილს აყენებს სამართალწარმოების მიუკერძოებლობას, - ამის შესახებ სოციალურ ქსელში აშშ-ს საელჩო თბილისში წერს.

საელჩო ყურადღებას ამახვილებს ოპოზიციასა და პოზიციას შორის მიღწეულ შეთანხმებაზე და მოუწოდებს ყველა ხელმომწერ მხარეს, რომ სრულად დაიცვან 8 მარტის შეთანხმება, რომლის ერთ-ერთი კომპონენტის თანახმად, პოლიპატიმრები უნდა გაეთავისუფლებინათ.

„ირაკლი ოქრუაშვილის დაპატიმრების დრომ და გარემოებამ გამოიწვია შეშფოთება პოლიტიკურ ჩარევასა და შერჩევითი სამართლის გამოყენებასთან დაკავშირებით. ეს საქმე  ჩრდილს აყენებს სამართალწარმოების მიუკერძოებლობას — საკითხს, რომლის ირგვლივ არსებული შეშფოთების გაქარწყლებას ემსახურებოდა 8 მარტის ერთობლივი განცხადება. ჩვენ მოვუწოდებთ ყველა ხელმომწერ მხარეს, სრულად დაიცვან 8 მარტის შეთანხმება“, - წერს აშშ-ს საელჩო საქართველოში.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი