თურნავა - შაბათს უკვე ხელმისაწვდომი იქნება ქართული წარმოების მრავალჯერადი 400 000 პირბადე, რომელიც 50 თეთრი ეღირება

2020-04-08 14:20:15, 1131 ნახვა

კომენტარი

ეკონომიკისა და მდგრადი განვითარების მინისტრი, ნათია თურნავა საკოორდინაციო საბჭოს ბრიფინგზე, ქართული წარმოების, მრავალჯერადი პრიბადეების რეალიზაციაში ჩაშვების დღედ, შაბათს ასახელებს. მისი თქმით პირბადეები 50 თეთრი ეღირება.

მან ასევე აღნიშნა, რომ ერთი პირბადით, დელიკატურად მოხმარების შემთხვევაში ადამიანმა შესაძლოა ერთი კვირის განმავლობაში ისარგებლოს.

"ქართული წარმოების პირბადეები უკვე გავუშვით სააფთიაქო ქსელებში. 400 000 ბირბადე საწყის ეტაპზე. დაახლოებით ორი დღე იქნება საჭირო, რომ მთელი საქართველოს მასშტაბით წამყვან სააფთიაქო ქსელებში გადანაწილდეს. „ავერსი“, „ფარმადეპო“, „პე ეს პე“-სა და „ჯი პი სი“,- ზე , რადგან ეს ოთხი ქსელი არის ყველაზე ფართოდ წარმოდგენილი და სწორედ მათთან თანამშრომლობით დავიწყეთ ჩვენი პირბადეების გადანაწილება და მიწოდება მოსახლეობისთვის. ყველაზე გვიან შაბათს, უკვე ყველა ამ აფთიაქში, იქნება საშუალება ჩვენი წარმოების, მრავალჯერადი მოხმარების პირბადეების შეძენა.

რაც შეეხება ფასებს, ნედლეულის მოწოდება, როგორც იცით ხდება სხვა ქვეყნებიდან და ამას თავისი ღირებულება გააჩნია და მიუხედავად იმისა, რომ ყველა სამკერვალო უსასყიდლოდ გვიკერავს პირბადეს, თვითონ ნედლეულიდან გამომდინარე სახელმწიფოს თითო პირბადის შეკერვა უჯდება ერთ ლარზე მეტი. გამომდინარე იქიდან, რომ ჩვენ გვინდა რაც შეიძლება ხელმისაწვდომი გახდეს ჩვენი პირბადე მოსახლეობისთვის, მივიღეთ გადაწყვეტილება რომ ქსელებში ადამიანებისთვის პირბადეები გაიყიდება 50 თეთრად. ეს არის სუფსიდირებადი ფასი. პრაქტიკულად პირბადე ნახევარ ფასადა გაიყიდება და აფთიაქები ამას მოგების ფასს არ დაამატებენ.

საწყის ეტაპზე შევთანხმდით, რომ აფთიაქები თვითონ დაარეგულირებენ, რა რაოდენობის პირბადეს გაყიდიან თითო მომხმარებელზე გაიცეს. ჩვენ ვსაუბრობთ, მრავალჯერადი მოხმარების პირბადეებზე, რაც იმას ნიშნავს, რომ ერთი პირბადით, დელიკატურად მოხმარების შემთხვევაში ადამიანმა შესაძლოა ერთი კვირის განმავლობაში ისარგებლოს", - განაცხადა ნათია თურნავამ.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან