2020-03-20 10:39:21, 1278 ნახვა
რეგიონი
ზესტაფონში სატვირთო მატარებლის ვაგონს ცეცხლი გაუჩნდა - გარდაცვლილია ერთი მამაკაცი
ზესტაფონში სატვირთო მატარებლის ვაგონს ცეცხლი გაუჩნდა, რასაც შუახნის მამაკაცის სიცოცხლე ემსხვერპლა.
მატარებელი ფოთი-თბილისის მიმართულებით გადაადგილდებოდა.
როგორც „ექსპრესნიუსს“ საგანგებო სიტუაციების მართვის სამსახურში განუცხადეს, ერთი ვაგონი სრულად დაიწვა.
მათივე თქმით, ხანძარი ლოკალიზებულია. ადგილზე 3 სახანძრო-სამაშველო ჯგუფი მუშაობდა.
შინაგან საქმეთა სამინისტრომ მომხდარზე გამოძიება სსკ-ის 188-ე მუხლის მე-3 ნაწილით დაიწყო, რაც ცეცხლთან ან მომეტებული საფრთხის წყაროსთან გაუფრთხილებელი მოპყრობით ნივთის დაზიანებას ან განადგურებას გულისხმობს, რამაც ადამიანის სიცოცხლის მოსპობა ან სხვა მძიმე შედეგი გამოიწვია.
ავტორი: ექსპრესნიუსი,
epn.ge (@expressnews.ge)
